【賣「奶」皇月餅？】朱古力波半裸飛釘sell月餅

作日翻版黃曉明——顧又銘落咗旺角，谷肌，賣月餅，仲餵大家食月餅，搞到一眾市民V嘩鬼叫。係enjoy嗰種叫定係驚驚嗰種叫，真係唔知喇。如果大家仲記 唔起邊個係顧又銘，提吓你，就係早前書展出「雄風」、俾「劉姓老闆」掃晒嘅肌男呢。噚日顧又銘仲話，如果大家訂月餅嘅話，佢仲隨時會親自送貨o架，仲話除 衫上陣都冇問題呀!

噚日餵月餅嗰陣，大隻仔著到密密實實，以為佢只係客串做宣傳？唔係喎。今日有網民擺咗張顧又銘半裸賣月餅廣告嘅相，胸肌好巨，峰嶺上兩點亦非常清晰，佢仲 擘大個口，做咗個「我食硬你!」嘅表情。最搞笑係月餅個牌子，叫做「富豪」，slogan仲話:「富豪至尊」……令人好自然咁，又諗番起「劉老闆」。唔知 顧又銘同Dominic佢哋，見咗老闆多謝人哋未呢？

但好多網民都覺得呢張係假圖，認為冇可能賣月餅賣到咁離譜要半裸，亦有人留言謂:「雄風封面？」、「未推出前已經比劉老闆買晒。」、「仲以為係黃曉明!」、「食左變朱古力...波？」、「唔係同佢團圓呀，唔想睇佢個月亮!」你就想囉!